قصيدة بعنوان(صباح الخير)
بقلم الشاعر(عرفات الامير)
مصر/قنا/٢٠١٦/١٢/٢٥
!!!!!!!!!!!!!!!!!!!!!!!!!!!!!!!!!
صباح الخير يامصريين
مالكم رحتو شمال ويمين
البال شارد م التفكير
=================
خلي تكالك كدا علي ربك
واوعي تفكر ف إللي يسبك
بكرا عذابه ف نار بتسبك
جلد وعظم البني ادمين
================
صباح الخير يامصريين
ماشي بتحسب بالمليم
رجل شمال ورجل يمين
عارف رزقك بالضالين
بكرا هاتبقي عال العال
===================
عارف ان الولد كتار
ام واب وست عيال
واللي بيجي مامكفي الدار
وبتخبط كدا ف المواعين
==================
صباح الخير يامصريين
عندي ليك فكيرة جميلة
بلاها اكل وبلاها نيلة
بلاها تعليم وكتر الحيرة
وشيل من وشك التكشيرة
ويكفي ان احنا بني ادمين
=================
ابنك عاوز درس خصوصي
والميزانية تقول يافلوسي
والبقال ادفع ياخلوصي
وخضار البيت هانجيبه منين
صباح الخير يامصريين
!!!!!!!!!!!!!!!!!!!!!!!!!!!!!!!!
ليست هناك تعليقات:
إرسال تعليق