سِیبهَا
إِبعد عنها ياقلبى وارحل
إبعد عنها وبلاش تِسأل
سِيبها تجرّب نار الوِحده
أصلها غاويه دايماً تِتقل
سِيبها تحاسب قلبها مَرّه
يمكن يرجع قلبها يِعقل
سيبها تشُوف لِيلها طَوِيل
سيبها تعِّد نجوم الليل
إتعلم مَرّه فى حياتك
إزاى تِبقى ياقلبى تقِيل
أصلَها فاكره البُعد دَا هَيّن
سِيبها وبَطّل تِبقى حنَيّن
سيب البُعد يبَيّن شُوقهَا
بُعدك عنها أكيد هَايبيّن
سيبها تبات لِيلها حزينه
تسهر لِيلها تفكّر فِينَا
فاكِر لمّا سهرت عَلِيل
تِبكى ودمعَك نَازِل سِيل
سِيبها تجرّب تِبقى مكانَك
إِهدَى وسِيبها مَرّه تشِيل
سِيبها تعيش تَايهه حيرَانه
يُومهَا هاتِرجع لِيك وتمِيل
.................بقلم / سيد عبد الوهاب
ليست هناك تعليقات:
إرسال تعليق