اتحولت حياتي فوضى
واترتبت فيا الجراح
مع اني دايما كنت برضى
بالليل ولو ملهوش صباح
يا حزن عشش جوا مني
العش أصبح مستباح
اتحولت الواني ضلمه
وقصيدتي تترجي السماح
صمت الحروف أصبح وثن
حتى القلم يكتب ألم
والحبر منه ع السطور
م القهر فاح
يا هل ترى ايه كان جرى
خلى الحياه متغيره
فين غابت الأفراح
كانت الحياه فى عيوني حلوه
ليه كل ده م الدنيا راح
الشاعر بلبل عثمان
ليست هناك تعليقات:
إرسال تعليق