((((( غربلتني بحبك )))))
تحديت الكون لجلك
وبعت ناسي عشانك
هجرتني من وصلك
وأحرقتني بجمر نيرانك
سقيتك الحب بقدرك
وسقيتني سم هجرانك
يا هاجري على مهلك
ليه غيرت عنوانك
ليه أحرقتني بهجرك
وأنا من قلت سلطانك
غربلتني بكثر الغياب
والبعد عني ترى طول
قولي ويش الأسباب
ويش خلاك تتحول
تقول حنا أحباب
وعلى حبك أنا معول
ليش طلعت كذاب
وتخلني للحب متسول
بالأمس كنا قراب
واليوم صرت متحول
يافاتني خفف عذابك
أحرقتني بنار بعدك
ويش جاك و إيش صابك
من قساك على حبك
ليتك تقول أسبابك
ليتك تفتح لي قلبك
بتضيع شبابي و شبابك
وتتحمل بهواي ذنبك
قول ولو كلمة بعتابك
ولا تغير على دربك
إنت لقلبي نور
إشلون قدرت تبعد
للروح كنت سور
صرت تخلف بكل موعد
القلب ببعدك صار مكسور
وكل ما فيك صار يبعد
لا يكون صابك غرور
خلاك تهجر و تتبغدد
لا عاد تعدي ولا تزور
ولا عاد يهمك لنا موعد
صائغ القوافي الشاعر
فهد بن عبدالله الصويغ
15-7-2017
ليست هناك تعليقات:
إرسال تعليق