========رحلة كفاح ام=========
بلصلاة على النبى نحكى ونقول
عن ام ضحت ما خلت فىطولها طول
الام مصرية على الادب والاخلاق متربية
وعند ها من الخلفة بنتين هماحياتها وضى العين
الاب راجل فى البطاقة بس وافهم كلامى يازين
مصروفة بياخدة منها وعلى الحالدة عايش بقالة سنين
لا شغلة ولا مشغلة غير طربها واهانتها هى والبنتين
لكن للصبر جدود طالما هو عويل
وحكم ربك بلانفصال وكانت راحة ليها وللبنتين
بس الحق يتقال هى جميلة وشابة والايام عاوزة المعين
راجل صالح يساعدها فى الحياة للصرف على البنتين
وربك رزقها براجل صالح والبنات هبشلهم جوة العين
واتزوجو بشرع الله وعاشو سنين وسنين فى نعيم
وابو البنات يزن فى ودان بناتة زن لئيم
يقول لهم امكم اتزوجت عشان الحب والحنين
وعلى الحال دة ماشى الحزين
ساعدت الام مع زوجها وزوجو اول بنت من البنتين
والثانية الكبيرة لسة النصيب ماجالها والغل فى قلبها شبه الطين
وحكمت على الام تنفصل عن زوجها دنيا ودين
تقولها انتى اتزوجتى وبعتينى وروحتى للحنين
الام شارية بناتها ومشى الحكم عليها وانفصلت وعاشت فى انين
وعلى الحال دة عايشة تضحى سنين وسنين
والبنت كل لما يجى شاب يخطبها يمشى من سيرة ابوها الحزين
وفى يوم جالها راجل كبير قالت موافقة قولنا يامسهل يامعين
اهى تغور بدل ماتشيل اهلها الطين
واتفقت الام على الجهاز والى كان يقولة العريس هما يقولة موافقين
بس لازم يحضر الاب لمنع العيب يازين
وبعتت الام لابوها وحضروادتلة فلوس يجيب بدل علبة السجير علبتين
اصلة بيحضر بلاجرة زى ضيف مفلس حزين
حتى فى قعدتة كلامة خايب ولسانة فالت على الام والبنتين
وبدل جهاز البنت يكون غرفتين بقى غرفة واحدة ومالوش دعوة الاب العويل
الام الكلام معجبهاش وقالت لا لا بنتى عندى غالية اخرج برة يااب ياعويل
البنت ابوها ماليها بلكلام وهاجت وماجت على الام وقلة ادبها امام الحاضرين
ام العريس ماعجبها الكلام وقالت لما بتعملى فى امك كدة يبقى هاعيش معاكى ازاى وفين
------------------------------------------------------
وانفضت الجلسة وفشلت الجوازة بفضل البنت والاب العويل
الام دخلت غرفتها وصرخت على العمر الى ضاع
وتعب السنين وتضحيتها الى راحت فى الطين
والبت مافى قلبها رحمة وسحبت على الام السكين فى زمنا المهين
ودخلو عليهم الناس وعيبو البنت والام قالت عوضى عليك يارحيم
ضحيت بقلبى وسعادتى وماشفت راحة ولو ساعتين
واهم عايشين زى الضرايرفى نكد وخوف من بنت العويل
ودى اخرة التضحية ملعونة خلفة العويل
القصة لو سمعتها ماكنت صدقتها لكنها امامى فى زمنا المهين
وربنا يهدى العاص او ياخدة اخذ عزيز مقتدر دنيا ودين
========نبيل الشضاوى ==============
ليست هناك تعليقات:
إرسال تعليق