بقلم الشاعر ......السيد محمود محمد

السيد محمود محمد
يلا سكة الندامه
************************
عنيا اللي بكت في يوم عليكي
مستنيه تشوف الذل في عنيكي
بعد ما خنتي اللي ما بينا
وحبنا قتلتيه بايديكي
كنتي اكتر حاجه باحب اشوفها
بقيتي الحاجه الوحيده اللي بعوفها
بعد ما سمعت وشفت بعنيا
الخيانه وشفايفك بتنطق حروفها
انتي حد في نظري خاين
كان حبنا عليكي هاين
حد يعرف يلعب بالمشاعر
من غير ما يكون خداعه باين
قلبي اللي حبك ضيعتي حقه
ضيعتيه رغم حبه ليكي وطيبته
صدقيني انتي بالنسبه ليا
اكتر شئ ندمااان اني عرفته
صادفتي كتير قبلي وعرفتي
وكلام في كلام منهم  سمعتي
يا تري لقيتي حد صدق معاكي
ولا حتي كان ذيي في طيبتي
مش هاقولك شكرا مع السلامه
ولا هاودعك واتصنع الابتسامه
هقولك ان  اللي زيك
يستاهل الحسره والندامه
روحي شوفي حد غير يصدقك
حد غيري  روحه وعمره يوهبك
انتي ما تستاهليش اللي عملته عشانك
وكل دموعك قصادي مش هتنصفك