أسهر وأغني لحبيبي
ولا غيره طالب
لو طول عمري أغني
برضو قليل
كتير بشتاقلك تطفي لهيبي
ليه عني غايب
طال بعادك يا غالي
وقلبي عليل
فاكر يا عمري وسنيني
يا كل القرايب
كنت ساكن في قلبي
ولك بميل
فاكر ياحبي وحنيني
يا أغلي الحبايب
حبك ملاني وغواني
صبح وليل
راح فين حبيبك ياعيني
دا أنا قلبي دايب
تعالي وأرجعلي تاني
ليلي في بعدك طويل
مشي وسابني لنصيبي
من الحزن شارب
هجرك يا آسي
خلاني ذليل
طب أعمل إيه لحبيبي
الله غالب
بكرة يندم ويرجع
لحضن الخليل
بقلم/ مصطفى محمد..
ليست هناك تعليقات:
إرسال تعليق