((((( تعيشي يا مصر )))))
تعيشي يا مصر ديمآ بالعالي
و إسمك ع الشمس منور
نجمة في سما الكون تلالي
سبحان من خلق وصور
تعيشي يا قمرنا حلوة بهية
ونيلك حواليك داير ميدور
يا سمرة و بجمالك عفية
يا أرض الإنبياء و النور
علمك في سماك يرفرف
وجيشك حامي الحدود
بإسمك القلب يهفهف
دي حضرتك بداية الوجود
يحميكي ربي يا بلادي
و دايمآ تعيشي منصورة
نوقف أنا وكل أولادي
وناخد في جمالك صورة
مبروك عليكي هدية ربنا
مبروك عليكي الأمن والأمان
مبروك فرحك يامصر يا أمنا
دنتي العشق و إنتي الحنان
داه إسمك بقلبي نغم
يا مصر يا أرض السلام
يا شمس كل الأمم
ليكي التحية و الإحترام
صائغ القوافي الشاعر
فهد بن عبدالله الصويغ
27-3-2018
ليست هناك تعليقات:
إرسال تعليق