السيد محمود محمد
كنت مخدوع فيكي
،،،،،،،،،،،،،،،،،،،،،،،،،،،،،،،،،،،،،،،
انا العمر اللي عدي واستحاله يوم يرجع
انا الدمع اللي سال عالخدود وجوايا اهات توجع
انا النار اللي بتاكل في قلبي واستحاله يوم تشبع
انا جرحك الدامي اللي سال دمه واستحاله يوم يمنع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انا الاه اللي هتعيش جواكي طول عمرك
انا الندم انا الحسره اللي بيسري مكان دمك
انا الحضن اللي كان دافي وكان بالحنيه بيضمك
انا القلب اللي فيه عشتي ونقشتي عليه حروف اسمك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انا الغالي اللي اتباع رخيص لما بعتيني
انا الطيبه اللي كانت عايشه وبايديكي قتلتيني
انا اللي عمري ما كنت اصدق انك ممكن يوم تخونيني
انا اللي مهما يمر بيكي العمر استحاله تنسيني
ليست هناك تعليقات:
إرسال تعليق