((((( المبالغة والتطبيل )))))
قال لا تزودوا بالمبالغة و التطبيل
بشر عادي مثلنا و كل البشر مثيل
ماله معجزات تفرقه عن غيره
بشر مثلنا لا كريم ولا بخيل
ولا مشى حولنا وبممشاه دار طيره
ربي عطاه الملك وذاه عادي وقليل
قلت يا ناكر المعروف وناكر سيره
تكلمت على من فينا مقامه جليل
ذاه ولد سلمان ملا الكون بخيره
ماهمه قول دساس خائن و عويل
صعب لمثلك يفتهم عظيم تفكيرة
وصعب عليك تنسى إنك دوم ذليل
ذاه محمد ولد سلمان كلنا مغاويره
وربي يوم عطاه عطاه التفضيل
دروبه يا جاهل قامته كانت له خيره
ومثله مامشى بدرب ثم عنه يميل
ذاه ولد سلمان راعي كل شعيرة
ماضره لسان خوان للجحوش عميل
مدحنا له لا لعز ولا لمال نستجيره
ذاه محمد الحكيم و زين الرجاجيل
يوم تكون رجال تعرف عنه السيرة
لكن جلستك دوم مع كل ضئيل
إشلون تعرف الرجال وتعرف مصيره
وانت بظلام دنياك ساير بلا قنديل
ذاه اللي إنتخى يا جاهل لكل جيرة
ولا رمى على شعبه قذائف و براميل
ذاه الكريم اللي محامده دوم كثيرة
سليل المجد السليل حفيد السليل
حنا سنده ونفهمه دوم من تعابيره
ومثلك نذل عاش عمره بلا تفعيل
نمدحه ونمدح كل من سار بمعايره
شعبنا الحر ما يعشق القال و القيل
خلك مع من يحكمك دوم بسواطيره
لين تموت قهر ولا تنال منه تغسيل
مثلك مادرى بقرأن ربي و تفاسيرة
وتجهل على من نزل عليه بالتنزيل
لكن نجمنا محمد حنا هله و مقاديرة
ونعرف إشلون قدره راعي التكميل
حنا هل الفزعات وحنا ربع ذي الديرة
ولسانا يالجاهل مايخاطب مجاهيل
مدحنا له عز لنا وقهر للنفوس الحقيرة
فرس وإخوان وحوثي بأرضه قتيل
ربي من عطاه الحكم و ربي نصيرة
وانت من ربي ذله وجعل قلبه عليل
هذا ولد سلمان أبو النظرة البصيرة
و مدحنا دايم فخر ماهو أبد تطبيل
صائغ القوافي الشاعر
فهد بن عبدالله الصويغ
25-3-2018
ليست هناك تعليقات:
إرسال تعليق