انا صمتي فيه كل كلامي
وروحي وقلبي فيكي دابين
كلامي في لمستي ونظراتي
اللي بيتكلمو معظمهم كذابين
نظراتي بتحكي اللي جوايا
وتقول بحبك يا روح الروح
ولمسه ايدي تقول انتي هوايا
ونبض القلب وبلسم الجروح
انتي مش نصي التاني
انتي انا كلي
يا احلي كلمه في لساني
يا شمسي يا ضلي
اموت لو فكر قلبك ينساني
انا كل ما تتمني
من غيرك مش هعيش تاني
انتي لدنيتي بتحلي
انا روحي تطلع في ثواني
لو عني تتخلي
انا عمري عايشه علشانك
واتمني لو اعيش معاكي عمرين
سكنتي قلبي وغنالك
اغاني الست للعاشقين
حبيبتي كل اللي عايزك تعرفيه
انك حياتي وعمري وكل الاماني
كلامي في سكوتي ياريت تفهميه
بحبك وبعشقك ومش لازم يقولها لساني
قلم . محمد سالم
ليست هناك تعليقات:
إرسال تعليق